M A N Y U S U K

 

Oleh : Darwin Nasution 

Sian asal ni hata 'susuk' mada on, artina mamasukkon, ato

maniamkon atope mangonyakkan sada barang na pincur ato

na um menek tu barang ato bonda na asing na um godang.

Adong muse dope na tarsarupo artina tapi inda bisa ipake hata

'susuk', ipake hata 'tura', songoni juo di na karejo manjait,

manyulamatope manyirat. Zaman sannari martamba muse

dope dot hata 'coblos ato mancoblos'.

 

Pala mamake hata susuk ato manyusuk bahat mantong

contona on di ngolu budaya ni halak Mandailing. Umpamana :

manyusukkon ompan ni hail, manyusuk gulaen, manyusukkon

harnal tu obuk, manyusuk sibodak gadison, dot bahat dope

na asing. Anggo mambaen lubang ni suping nganan ni anting-anting

ni daganak adaboru, ato mambaen nganan ni tali di igung ni orbo,

lombu sanga kudo, inda i susuk ato manyusuk igung sanga suping

goar ni i, tai manura. Ima sinakayoan ni bahasa Mandailing i

adong-adong kosa kata na sarupo arti marbeda pamakeaanna.

Pala ita pake muse umpamana mambaen same tu tano ni saba

mamake hayu na menek na mardupang, inda manyusukkon

eme i goarna, tapi 'manyuan'

Di kehidupan rumah tangga, pala pamasuk aha i nga muse

bisa idokon manyusuk, bope tarpincur nida. "Malom jumahat on,

mulak mau, get manyusuk ulala", ninna umpama si Bosah. Inda

topek hata na ian tapi adong dope kosa kata ni alak Mandailing

satontang i, tapi nga tola idokon di bagas paradaton on,

paling mei idok kalak "maniam", "mambaen", "mangambil"

atope "manyunnah".

 

                                                                                                       manyusuk gulaen, gulaen nai susuk                                                    

Dongan-dongan, pamakeanna ima hatiha ne get donok

on ma tarjadina, ima manyusuk ato mancoblos gambar

ni alak pilion pala pamilu santongkin nai. Adong antong

porentah na isusuk indora nai ngun hambirang, adong

dibaba sanga kumis nai, adong na di mata nai. Sakitar i

ma teleh, harana gambar satonga badan dei biaso calon

legislatif na get pilion on. Nga dong dope binege pala na

get mamili adong porentahna isusuk pas tontang ni dongan

magodang nai. Harana bope na gambar ra do gidik roa ni

alak i, ato raian bagen kalak nai, bo ra inda jadi mamili.

 

                                                                                           manyusuk coblosan                                                                                                      

Pangabisanna dongan ku si Torkis Lubis ungada marcarito.

Tarsongonon ma ningia, itaon lapan puluhan najolo baru masuk au

pegawai negeri pasma songonon nagiot Pemilu rapat mada hami dohot

kepala kantor i,pada masoi diarahkon doi mamili parte tertentu,diahir ni

narapati tanya jawab doma marsapa mada kepala kantor on

tuau ho pak lubis dia do ditusukko ning kepala kantori ma tuau,

hujawabma anggo au ibuk muloi sian na jolo apa lagi madung

tegang situasi totop do nadi tonga-tongai hutusuk inda hunjungi

ibuk malenceng tu samping ningku mar dohak-dohak sude

anggota rapati, tenang-tenang ning kepala kantorima, nadi

maksud nisi lubis nadi tonga-tongai golkar i doi di samping pei

tolu dohot pede i, jadi dongan nagiot pamiluon ulang dioban tu

partataan ate heboh jadina muda carito namanusuk, sannari

dua pulu parsen calon anggota DPR adaboru ligima dia namanisna

dia nalipungna ima parasokkon tusuk ate anggo alaklahi marsitusukan

marbadai doi olo, gontok-gontokan akhirna arana sama-sama tegang,

inda adong nara mangalah .

Tarsoni madah na manyusuk i.

telah tayang di FB Des 2013