Na jaji mantong siseon ato parsapaan tentang marga ni Sampuraga on di
parkobaran tukar pikiran ato diskusi di hita halak Mandailing, langsung
di pangecetan bope di grup-grup dunia maya.
Masuk akal jana logis
mantong pandok ni alak sannari, anggo mian imana narobi di Mandailing,
ikkon adong margana, inda adong halak Mandailing naso marmarga. Tar
songon parlaho nia pardurako, di Darek ima si Malin Kundang antong
Sikumbang dei suku na. Jia ma bo argumen ni i, paligi ma batu na ni dok
nihalak parubaan nia dung dorako, pas songon kumbang taik alias
sung-sung te ato anggo di amian goarna ungkap-ungkap takar, manyungsung
tu pasir i di pantai Air Manis Padang.
Jana bo aha do soni marga ni
Sampuraga on? So adong marga Mandailing na cocok jana dalmuk sian marga
na dung adong, tarsongon dongan na si Malin i. Au dung hupikir-pikir so
salose sise-sise, sapa-sapa, sukkun-sukkun tentang marga nia on, ligi ma
di sada buku, marga nia nyato "SILUPAINA", jadi lengkapna SAMPURAGA
SILUPAINA.
Tola ma i baca di Pustaha Datuk Naso Marjanggut, alaman 2013
baris patoluon ngun ginjang, cubo ligi, aturanna nga marsuo i, harana
buku nai pe ngape na ibaen...
hahaha.
150712
0 komentar:
Posting Komentar