BOM DI KANTOR POLISI?

Madung mapultak muse bom, ima di jumahat 15 April 2011 tar jam 12.20 di musojid Adz Dzikro Mapolres Cirebon. Sampe do korban mabugang 30 jolma dohot 1 jolma maninggal. Polisi madung mamastihon on parbuatan ni M.Syarif Astanagarif. Mapultak di tonga-tonga ni sumbayang jumahat, pas baru takbiratul ihrom imom i di rakaat pasada na.


Pultak ni bom on marhias ma di habar media massa, cetak bope elektronik. Sampe bisa mangagohon isu na lain, na so talu do ponting na di nagari on, rengrengna conto, isu paoli gedung DPR, korupsi, mafia kasus, Century Gate, CAFTA na mambalun industri dalam negeri, sandera MV Sinar Kudus, rencana panaek arga BBM ato RUU Intelijen na marnafas ambisi ni tiran.


Bom Cirebon on,mangandung sapa-sapa na so tarjawab dope on.Tai na jelas umat Islam painte karejo ni polisi na transparan, objektif boti profesional. Umat Islam marharop anso aparat inda terjebak di semangat "global warr on terrorism" buatan Amerika dohot Barat.
Na podo jia na tujia, madung di salahon umat Islam, padohal pangakuan ni amang ni pelaku, Abdul Ghofur, na madung honok do hurang sehat pikiran ni anak naon, frustrasi ambaen bahat na sala nia tarkait bahat kerusuhan di Cirebon, boti ungada mamunu aparat TNI di sadun.
Di bagasan ni kajian fiqih jihad inda adong on parbedaan pendapat, bahasona mangaledakkon bom di musojid, apalagi dompak sumbayang halak, harom di syariat Islam.Boti, syariat Islam mangalarang dohot tegas sada muslim mambaen halalaku na bisa mabugangi muslim na lain, apalagi mambunu inda adong alasan na ibenarkon ni syar'i (QS 17:33).
Tambana,Islam mangharamkon sada muslim maneror muslim na lain satontang psikis atope fisik. Sabda ni Nabi nita SAW: "Seorang muslim tidak halal meneror muslim na lain" (HR. Ahmad, Abu Daud, dan Al Baihaqi)


Jaleh do bom Cirebon on inda bisa dibenarkon dalm pandangan Islam. Juo, inda bisa dikaitkon tu perjuangan penegakan syariat Islam. Harani i, halak Islam angkon waspada tu propaganda menyerang Islam lalu mambaen kasus bom on manjadi tunggangan. Halak-halak asing na benci Islam dohot kaum muslimin torus maon mambaen makar, tai hita angkon yakinbahasona Allah SWT do sebaik-baik pambalos."Mereka membuat tipu daya dan Allah SWT membalas tipu daya mereka itu. Dan Allah sebaik-baik pembalas tipu daya" (QS 3:54)


Jadina, umat Islam harus totop kuat, sobar, dohot istiqomah padalan syariat ni agama Islam. Inda gentar tu propaganda na dilancarkon ni elemen bangsa sandari, bope asing.