Oleh : Darwin Nasution
"Pujik baen, pujik rabar na urang sira"
"Golak baen benna deges i hontong"
On ma cerminan ni budaya ni hita alak Mandailing. Sian uangkapan i tarida ma bahasona songon jia suku bangsa na lain, adong do na didok mamujik sabaliknya adong na manggolaki. Inda tola mapujik tu anggo nga sesuai dot kenyataan, inda tola musentong magolak tu sanga tarpangan golak. Mulak hona tusia nai golakkon nia i. Na get pilpres on pe na musinan marsigolakan, pendukung ni Jo-Juka dot Pra-Hara. Padohal masalah nasional do on madung manjadi masalah ni alak kita. Madung isarat kalai parsoalan politik i ginjangan manjadi masalah ni alai, martongkar mamujik dot marsigolakan. Songonima na tarjadi hatiha on di lopo kopi, di na mangecek i sanga ijia, atope di grup-grup media sosial songon Facebook sanga twitter. Mangarah tu martangkangi huida hata-hata nai, ulang jabat marsarak parkouman da gara-gara ni i, anggo epeng i lek na ji alai dei iginjang.
Tukang pujik ni Pra-Hara tong kuida dompak manggobu-gobu, sude halobian ni Pra-Hara dompak iangkat on saincat-incatna, harurangan ni ibana i onjapkon ato isimohon onjap-onjap. Songon pandok ni alak kita madung itanom, itinggang dot batu, itutupan muse dope dot bulung ni pisang na masak. Tar songon papatah ni alak jawa mei dabo "mikul dhuwur mendhem jero". Na santing mada tile, na niat dot mandoah dope halak nai jadi presiden dot wapres madung songon na madung jadi nida. Sabalikna tong pandukung ni Jo-Juka i golakan abis-abisan, sude na abu-abu i patidaon, apalagi mantong na lom-lom, sahinggo peto sanga sala saolah-olah madung torang satorang ni arian. Sude janji naso sompat dope ilaksanaon ia idok ma si pargabus, fitnah satontang pasangan on pe ianggap muse mungkin fakta ibaen pandukung ni Pra-Hara on.
Tukang pujik ni Jo-Juka pentong ngara bai so. Iben kalai muse songini tu arah sabalikna. Hita pe bisa dei ninnamon mungkin. Ise alai langa jabat, hum manggolaki tong na momo dei ninna muse tambana.
I kodak domada songoni parhalan on baen kenang-kenangan tokin nai pala dung tarboto sanga ise na monang. Tarida mei dabo jabat salose bulan madu nai tartongkin naro, idok kalai mei dunia inda sadeges i palaminan an. Apalagi muse impian inda manjadi nyato. Angke ngana momo na maminpin i. Sala-sala na ra dei ompong, hona sintakkon ngun juguan i.
Tarsongoni mada tu dua kubu pandukung na mamujik marsigolakan bolak-balik. Ita ingot songoni kaji nai,
Maka kalau kau suka pada sesuatu, sukailah sekedarnya saja, dan kalau kau benci pada sesuatu bencilah sekedarnya saja.
Boleh jadi kamu membenci sesuatu, padahal ia amat baik bagimu, dan boleh jadi (pula) kamu menyukai sesuatu padahal ia amat buruk bagimu; Allah mengetahui, sedang kamu tidak mengetahui. (Qs. 2:216)
"Cintailah seorang pemimpin karena Allah, karena ketaatannya pada Allah, karena mewujudkan apa-apa yang diperintahkan Allah, dan mencegah semua yang dilarang Allah. Dan bencilah seorang pemimpin juga karena Allah, karena durhakanya pada Allah, karena mengabaikan apa-apa yang diperintahkan Allah, dan tidak mencegah semua yang dilarang Allah" (Fahmi Amhar).
Imada teleh, anggo tu ke arah ke-islaman do ngana dong nida pilion, anggo saro jiba ngana parbuaton dua pasangan capres on, tagonan le i pajiar, ipasinok podom. Lek na tarsongonon mon ngolu on, kecuali ro kepemimpinan Islam na bisa manjago urusan ni umat Islam on sude.
*telah tayang di FB Mei 2014
0 komentar:
Posting Komentar