Oleh : Darwin Nasution
Bismillah...
Na santing mada pala madung tamak dan loba manguasoi utok-utok ni manusia da tele. Ra manuhuk dongan sadalanan, manggunting i bagasan ni lipatan. Songon na kerasukan setan doma mangida harto i, sahinggo bahat na manghalalkon sagalo caro so dapot nai raga i. Sikuk tusi todik tuson, mamunu alak pe ra dei ruangku. Adong dei ruai kisah na na songoni gambaranna sapanjang ni dunia on ?
Marsuo dot Nabi Isa as sada Yahudi na dompak manggandal sere na saulu ni kudo, sere na sangat godang mada. Mosa-mosa hum paimbar sinakayoan i sajo pe. Itinggalkon Nabi Isa as tong soni ia na madung was-was maroban sere on. Botul mada ro ma 3 alak pangarampok mambunu Yahudi on lau manguasoi sere nia i. Harani ni na male na maroban na dao sotik sere on ngun luok pambunuan ni alai i, halai pangarampok on sahata ma manyuruon sadalak manabusi panganon. Muncul ma niat ni na manabusi panganon on mangaracun dongan nia nadua i so isia sado ia ato bagi sada ma tagonan sere i. Di nadua an pe songoni juo, ita bunu ma ia non begitu ro so ita bagi dua sere on, ninna tangkas. Pas mantong, hum na tolap dope dongan nalai na manabusi panganon i iampal kalai, na langsung do ilahat talonan nai, mate sangompot i juo. Inda dong rasa marsala, monang magodang bagian ninna do ibagasan roa nalai nadua. Bulus i pangan kalai juo ma mangompoti panganon na ioban na madung mate on. Pangabisanna alai ded juo, harana botul do madung i campur ia dot putas panganon on.
Dung peristiwa i, lewat ma mulak Nabi Isa as mangelewati batu sere i dohot sahabat-sahabat nia. Tarida mantong opat kalak mate na sajia dao ngun batu on. Itudu Nabi Isa ma batu sere on dot halak na mate nai lambung-lambung nai, mangecek ma nabi, “Songoni mada dunia on mamparlakuon panghuni nai. Harani i awas-awas komu sude sahabatku”
Songoni ma sere mambinasaon umat ni Nabi Isa as na i carito i. Songoni musema sere ato harto atope epeng manghancurkon pejabat dot pinpinan di parte, menteri, pengusaha, dewan, bupati, walikota bahkan ra rakyat jelata pe marsibunuan harani balok ni saba.
Ligima si Dayat, Rahud, Nuang, Puteh atope na paling baru si Yasin i kota hujan an. Mang habis kalai, maksudna harga diri nai tep harani harto i. Mago harga diri ropku tagonan domei iba mate. Bahat kalak na tamak dot loba i manjual ugamo harani epeng, padohal kebutuhan hidup na otikan do sabotulna, maribadah manyombah tu Allah SWT, tawakkal marusaho na halal tarimo rasokina. On inda,ngana tanggung gambuasna, bo rontong songon “porkis na mate arani gulo”. Boti mada...
*telah tayang di FB Mei 2014
0 komentar:
Posting Komentar