TIGOR PULOS SONGON LANGKITANG*

 

TIGOR PULOS SONGON LANGKITANG

Oleh : Darwin Nasution

On ungkapan ni alak kita Mandailing. Tigor ato lurus, oni adong pulos ato marputar ibarat ni cangkang ni langkitang. Aha mei ruai arti ni i?

Pala jabat antong martamba istilah tu kalimat positif tigor ato lurus, melekat tu hata i pulos, ngana murni be lurus nai, lidang nai, na lain doma maknana.

Mararti lidang nai, na marbaur domei dot olah, atope kapontingan na lain, na mangaburkon makna tigor, lurus ato lidang nangkinan. Pulos muse, marputar-putar jolo, so baru sampe tu na lidang manurut versi nia.

"Anggo ja sianu tong na soni dei, tigor pulos songon langkitang". Jadi bisa sajo tigor nai marsareto masuk jolo kepentingan pribadi. Umpamo, pala ia pangurus ni raskin, masuk jolo goar ni alai saorong baru masuk goar ni alak. Adong dana desa, matirtir deba tu cakuk, bope lek lalu do pambangunan nai, tapi markurang ma kualitetna.

Tar ima mungkin makna dot conto ni ungkapan nangkinan. Lidang do tarida sampe do tujuan, tai tarida juo marpulos pulos di prosesna.

Bogor 03/07/22

*telah tayang di FB Juli 2022