M E R A*

 

MERA

Oleh : Darwin Nasution

pala kehe au manjala

dapot au dua mera

ugadis mei sada

so adong panabusi sira

pala i pasari-sari isi ni pantun on, namura mei binege arga ni mera i tele sarupo dot sira. Tapi manurut penulis, makna na lebih luas do pala ita ligi ngun dua hal :

Pasadana, beda ni maso don dabo. Isi ni pantun on satontang najolo. Najolontong pasaran do mera di Batanggadis. Alak mangkail mandapot mera, manjala patopi mera, songoni juo mandehe sanga mangarsik lubuk, gok mera. Ayahna manjalahi ihan dapot mera, songoni juo daganak boti ompuna. Ben momona merai, samomo ni manobusi sira doma mandapot mera. Inda be hal na mangherankon ji alak kampung mandapot mera.

Paduana, on dabo kata kiasan do maksud ni panabusi sira on. Nidokkon sira mewakili kebutuhan dapur do. Cubo ita ligi ungkapan lain, sada anak misalna "mangalehen hepeng tu simatobangna so adong panabusi sirana". Ben panabusi sira khusus dei ruai makna na, inda. Berarti panabusi di kebutuhan dapur, songoni juo pala igadis mera i sada, bisa bisa panabusi ni danon, miak manis, arambir, gulo pasir, sira, lasiak atope maco dot kantangna singkop. Sugi-sugi pe konnai tabusan dei.

Jadi ima dua makna ni mera nai gadis nangkinani. Setting situasi najolo do tontu.

Cuma, manggadis mera sannari hasilna bisa panobusi ni danon sakarung. Tapi bia ruai mandapot mera sannari, oh payah doma, kon na lubuk larangan doma sakali sataon. Ipe, pala adong, sakali adong argana i langit doma ben godangna.

Bogor 30/06/22

*telah tayang di FB Juli 2022