Oleh : Darwin Nasution
"Keta umak mangan e", ning si bueng pas jam 04 potang tu umak nia
"Tongkin nai da inang, ro jolo gulaen nai", ning umak nia mangalus
Ugari ni alak Mandailing satontang mangan sian waktuna sajo ma jolo adong tolu kali, mangan manyogot, mangan kotu, dot mangan potang. Mangan manyogot ira-ira jam 06.00, mangan kotu jam 12.00, mangan potang ira-ira jam 05.00 potang ato paling lambat satonga jom nai targan so Maghrib. Jadi pas songon nai bagi tolu waktu mangan i sahinggo tola idokon taratur mei parkosong ni boltok i. Marantara ngun sada hatia mangan tu mangan na asing markisar 5-6 jom. Disi ma mungkin so ro male nai.
Kutipan nai ginjang pe sabotulna na marmakna male dei jolo. Mang homang mei si bueng naidok ni inanta na di alai ian "ro jolo gulaen nai" so mangan kalai. Padohal na i pamasak nia dot umak nia gule joring do dohot pira ni bibi. Marlanjut dei dungi i sapai si Taing umak nia sanga gulaen aha dope painteon i, oni ise na get maroban gulaen tu bagas ni alai. Rupona makasud ni ungkapan i mandok "ro do jolo male nai" so baru mangan. I do maksud ni gulaen painteon nangkinani.
Na santun mei parumpamaan ni alak kita i tile. Antong pala male sangajo raso gulaen dei sude panganon i. Maksudna tabo na mangan i, nga sekonna gulaen gulena. Sotik ambat-ambat na mungkin angkon i pabiaso ulang lupa mantak targan so mabutong tu. Harana na garangan tarjadi mabutong tu muse ro sahinggo naisondukan doma mulak. Inda ban mangkat ngun jugukan i ibaen doma sugesti pura-pura manyonduk tu boltok nai. Mangan alakadarna do gari songoni, ulang sampe mudhorot payah bagen jabat mosa.
Habiasoan ni alak Mandailing on sasue mon dot hadits:
نَحْنُ قَوْمٌ لاَ نَأْكُلُ حَتَّى نَجُوْعَ وَإِذَا أَكَلْنَا لاَ نَشْبَعُ
“Kami adalah kaum yang tidak makan sampai kami lapar dan jika kami makan maka kami tidak (sampai) kenyang.”
Ucapan ini biasa didengar tapi sering salah makna. Sehingga dahulu biasa dikatakan: Dari Nabi shallallahu alaihi wasallam bahwa beliau bersabda, “Kami adalah kaum yang tidak makan sampai kami lapar dan jika kami makan maka kami tidak (sampai) kenyang.” Maksudnya mereka ini makan secara sederhana.
Makna hadits ini benar akan tetapi sering salah tafsir dalam bahasa Indonesia yang menyebutkan "sebelum lapar" yang bisa bermakna setengah kenyang. [bisa dilihat dalam Zaad Al-Ma'ad dan Al-Bidayah karya Ibnu Katsir]. Amalan seperti ini baik untuk (tubuh) manusia, yaitu jika dia makan karena sudah lapar atau memang butuh untuk makan. Jika dia makan, maka dia tidak berlebihan dalam makan dan tidak sampai kenyang yang berlebih. Adapun jika kenyangnya tidak memudharatkan dirinya maka itu tidak mengapa. Orang-orang di zaman Nabi shallallahu alaihi wasallam dan zaman selainnya, mereka makan dan mereka kenyang. Hanya saja yang dikhawatirkan (mendatangkan mudharat) adalah kekenyangan yang berlebihan.
Hal ini berhubungan dengan sifat manusia yang suka berlebihan (mubazir). Jangan sampai kekenyangan juga sebenarnya berhubungan juga dengan kesehatan, sebagaimana Rasulullah SAW mengingatkan berkenaan dengan makan, yaitu “makan ketika lapar dan berhenti sebelum kenyang” atau “perut (lambung) ini dibagi tiga, sepertiga makanan, sepertiga air, dan sepertiganya udara”. Dalam catatan sejarah, Rasulullah merupakan sosok manusia yang selama hidupnya selalu sehat kecuali dua kali beliau demam (sakit) yaitu ketika disihir oleh orang Yahudi dan menjelang beliau wafat.
Jadi pala madung i bagi tolu ruang ni boltok i, ngaro i be payah mosa, tarkendali sandiri na ia. Nangkon jabat manganjak sampe bintot bope hatia mangan i madung ro gulaen nai.
0 komentar:
Posting Komentar