Oleh : Darwin Nasution
inda kaletek sipatu do
ulang ko mangecek naso laku doho
maturepek namora dangka
tukang kaletek halak Tadangka
Dompak menek orang tua niba domada on caritona, targan so masuk ningkalai solop karet na ngun Jopang i. Maso i ning natobang-tobang tai parabiton pe tangki dope i, ngun hayu hualang na lobi bahat tumana. Isi ma hatia ni kaletek on i produksi baen alas ni pat pala laho marpindah nganan. Ibaen sian potongan ni kulit sanga ban sopo-sopo parmasukan ni pat nai ipakuhon tu hayu na madung imodel songon talapak ni pat. Anggo sannari manjadi solop i bagas ato i musojid lek tarsongoni do modelna bahanna marbeda-beda.
Kaletek on antong goarna i Mandailing don umum na ato di kampung pambaenan nai khususna, benna maturetek i do mungkin sorana hona tu pantar sanga tu batu i. Talapak nai ibaen ngun hayu na nayang, umpamo bayur ato batang ni apas, dohot pangikek ni pat nai ngun ban bokas sangan kulit bokas naipaku i kanan kiri nai. Na terkenalan on ninna najolo bope dung ro solop Jopang i, harana ummura do ia totop. Tahan aek, arilas, boti hawa na ngali, tu laut tu darat asal lek tahan pamakuan nai, oni inda masibak ulit ato ban nai.
I parkiroon sejarah ni kaletek on ngun alak Jopang juo don na mamake talapak kayu baen pakeon ni geisha-geisha di kuil sinto. Di Jawa di dok mon Bakiak, di Filipina Bakya. Di Tiongkok halak-halak Tang-lang mamake juo harani awet dot mura. Manjadi alas ni pat ni gadis dot nyonya-nyonya.
I Hutadangka ma pambaenan ni on massal ninna najolo, igadis kalak nai tu poken-poken sakitar umpamo Tamiang, Kotanopan atope Muarasipongi. Lek na musohur mei pasti parjagal nai halak ngun Batam (Bariba Tamiang) an. Adong-adong parjagal ngun adun i tarmasuk mei bal karet, karung topung ben sarusur, atope timbako dot pusuk balunon.
Anggo halak sannari mamake dope mungkin tai tagi-tagi doma buatan Jawa, na madung i model-model. Kaletek buatan Tadangka i madung almarhum mei seiring dot maninggal ni tukang dot parjagal nai. Inda cocok muse be mari-ari dot zaman nai...
Telah terbit di FB September 2014
0 komentar:
Posting Komentar