ANGKE PARUDAN*

 Oleh : Darwin Nasution

Taradong-adong ninna na terbengkalai pala musim rahmat parudan on. Umak-umak marinang goi inda marnahiang parabiton ni keluarga, padohal tiop ari martamba torus nakotor. Daganak kehe tu sikola jadi tarhalang langkana, adong ma na tarlambat, tapi biasona maklum dei guru nai. Di ibukota nagara baya ngana ban kalai bagen palalu ke sikola. Sagalo karejo pala nangkan hawa na panas do su laku ia, na istirahat mon jolo, saumpamo tukang es kuliling atope parjagal minuman na ngali na markuliling juo. Anggo i kampung antong ngana dong be harapan disi panakik ato pangguris nangkan karejo, harana ngara i mardalan gota nai di polan i, sar-sar dei soni mangiutkon aek naisian. Mardompeng pe nga ban ke harana mombur aek, oni bahaya muse dentong iaekan iba di parudan, harana ra ro ompot aek na godang, na urang dei anggo hum alak maia ayuponna manombo. Pala tukang bangunan antong marsamari ma tele, lek bisa dope nian hum sotik pala karejo nai ibagasan ni bangunan i, inda hona udan jabat umpamo mangalepo ato mamasang ubin. Jadi, bahat na tarhalang karejo ni alak di sada sisi. di sisi lain adong na maningkat ninna frekuensina ima karejo ni suami istri na mangela ngalian dot caro marsihaolan.

Madung manjadi trend na marulang mei tiop taon anggo parudan bahat mei halak na markurung. Angke tujia dopentong ke, nga ban bage mangua benna udan i. Lek i topung ale tu saba umpamo sangan tu kobun nagokan panyakit di tano i, atope na habang-kabang tarsongon rongit. Na lumobi bahatna pala parudan sagalo mocom rongit kaluar ngun karangan i, ima boti na mambaen so adong-adong muse panyakit di musim udan misalna malaria. Malarindu lain muse, ima songon na hudok nangkinani, ben ngalina malarindu on sajo ayah dot umak nai margulung-gulung di podoman. Mangarti ma ita jabat ulit mardomu ulit na ra mei dabo songon na ona siturum.

Nga marnaso udan i manombo, daganak kehe muse do marsikolaan bope songoni. Ambaenna halai nadua maia di bagas i, oni ma marsampulung, ulit ma marsiogosan, lalu juo mada tu watt na tinggi tensi ni daro i. Turun mudar i tu toru ato tu tonga-tonga ni pamatang i suami istri, boh na sunaga na mei dabo tarjadi sesuatu. Nga jabat na mangua i tong angke na halal do. Anggo na halal antong sana lobas ia, cuman benna arian i adong manombo halak na tangi supingna, adong ningia i bagas i na siakan so mangan lasiak i bagasan bilik. Na santing mei dongan, u ulaki jolo, siakan naso mangan lasiak. Son jia mei ruai makom ni papangan i, pas ning si Kamek memang pas songon halak nasiakan mandaisi gala-gala umpamana.

Siakan marpupu songoni di parudan i, bahat ninna carito halaki di bagas-bagas pala parudan. Tarkaua i tong asalma lek na kuat maridi pala Dzuhur non sanga Ashar. Ulang hum na mandaisi sajo bo marlangkap sumbayang. Na ji sia do tagik nai, bo lupa kinnai marsyukur tu na mangalen tagik i. Bahat dei buse hubege dabo caritona na lupa halaki marbismillah laos mandaisi padohal tarmasuk mei karejo na tagina i ginjang ni dunia on, di samping manggirik te ni suping. Son jia parah dope i na tagik sajo lupa palagi na urang tagik. Ulang ko lupa da Kamek mangingot Allah pala laos get mandaisi si Lanniari.

Jana parudan on biasona memang tarbulan 1 bulan 2 mon jamita na. Baen sor na halak mandaisi di bulan-bulan nadua on bo adong muse do rupa akibatna sambilan bulan kemudian. Ahama ale na tarjadi i Kamek. Na sonting mada alus ni si Kamek. Mambungkas i tobat apak ningia tua au. Aha do maksudna ningku. Marciokan daganak apak markaluaran ngun tobat i. Mur ma aneh. Dung i torangkon si Kamek dope bahasona na mandaisi i rupa na marlugut do dais-dais nai di siubeon ni umak nai, mangidua lapatanna. Pas mentong etongan nai dung bulan 10, 11 ato paling lambat bulan 12 marsorangan ma daganak. Si Kamek pe i sapai halak ia bulan 10 na lewat aso mang adong museng anak nia ima naiompa nia sannari, padohal na menek dope angkang nai, pondok do i jawab ia, tentong porudan taon baru i, marsigobakan sajo au dot kakak mu ninna mon tu daganak tanggung. Oiii ale...

Firman Allah ta’ala :

فَأْتُوا حَرْثَكُمْ أَنَّى شِئْتُمْ

‘Maka datangilah tanah tempat bercocok tanammu sebagaimana kamu kehendaki’ (QS. Al-Baqarah : 223); dimana kalimat ‘datangilah’ bermakna jima’, sedangkan ‘tempat bercocok-tanammu’ menjelaskan makna mendatangi yang diperintahkan dengannya adalah tempat menanam benih anak yaitu nutfah (sperma). Bukan yang lain, karena ia bukan tempat untuk meletakkan benih anak sebagaimana diketahui.

*telah tayang di FB Jan 2014