A M O T

 A M O T

Ungada do ida homu dongan halak na manyorong honda nia mogok. Mogok na on harani na magotap rante nai. 

Pala magotap rante tontuntong mogok mai sonjia oe binahen. Mangolu pe masin inda tarpadalan harana nga marfungsi panarik ni roda so maroutar so mardalan honda on.

Disima urgenna rante sajo pe saumpamo. So lek denggan ranteon tontu adong dei carana.Adong nai jago so um lolot ia martahan.

Jia male cara nai. Ijago stelan nai seimbang anso rato gigitan ni gigi tarik tu ranteon jadi inda maos-maos sabariba. Sitelan na teleng ato borat sabolah ma mambaen inda dos-dos maosna. Juo kon ringgas marmiyakina so markurang orgosan nai tu gigi tarik jolo dot balakang. Oni pala mambasuna kon ibasu dei dot rantei pe, na ra dei miduk tano dot pasir disi. Habis ibasu imiyakan mulaki so lek lancar tarikanna.

Usaho-usaho manjago rante on so tahan, so ulang maipas tu baling sanga magotap, ima nai dok amot di budaya mandailing. Bahasa santrina ima qona'ah. Adong usaho painjang umur ni barang ato bonda so lolot tarpake.

Bogor 30/06/21