Aterek

Aterek on na dodasan iucapkon alak Mandailing mulai narobi sampe sannari. Padahal inda hata Mandailing on atope serapan ngun Indonesia ato malayu, tai asalna ngun ulando balanda ato Holland. Manjadi ujaran samaso manjajah ita naonokan i najolo, sampe 3,5 abad ning kalak na ringgas mamasa.

Asal hata mundur on ima "ga terug" bahasa Bolanda. Kisah na naingkani, ambaen na mambaen dalan tano i dope bahatan di mandheling, jot jot mada ona bustak ato tano liat ban ni motor Jeep ni Bolanda i. Dung suksuk non soni, mijur mei sada opsir nai, 'ga terug', 'ga terug' ninna mandok mundur. Boti sering ma binege alak kita i, marmetamorfosa ma di baba ni pribumi Mandailing 'ga terug' i manjadi 'aterek'. 

Bolas tu hapudion ni arion jarang do haruar hata mundur, surut, ato patupudi ngun bibir ita mandailing pala pamundur kendaraan. Totop do aterek, "aterekkon ma".

Jadi, aha imbasna na hita pakei hata ni panjajah satontang mundur lewat ucapan aterek on. Lupa Ita manyapai, ato mangujarkon hata maju bhs bolanda. Au tong nga get kuligi sanga aha di kamus. Tai sapanjang ngolungku nga dapot au lawan kata ni aterek i. 

Nga manjadi parhatian niroa najolo bope idok ulando i najolo lau kehe ia dung malua ngun na suk-suk i, harani na dramatisan mangaterekkon motor na terperosok, ra mosong  soni bannai, tai inda margeser badan ni motor nai.

Nian ulang benna sodong i kosakata maju na ita serap ngun ulando i, ita jadi otomatis aterek. Inda ba, maju do, bope marpupu aterek manganjakna.

Bogor, April 20/4/19