Sora na pung-pang doma bege on muloi do masuk borngin ni ari nangkin maghorib tanggal 31Desember 2013 on. Marbingkasan dopang-dopang , kombang api dot tarompet. Marmocom-mocom sora dot bontuk ato warna ni kombang api nai manabur tu udara. Sangajo na santing ma alak kota on na manyambut taon baru ni Majusi sanga Masehi on. Na sodong do sapanjang ngolu niba ajarna najolo di kampung adong panyambutan taon baru na oruk saorukna on. Paling mei najolo laos get idul fitri adong gordang sambilan dot mariam bambu sasakali. Dung loja na mantak boti dei, nga sampe tonga borngin painte jam 23.59 so dotur, dotar, dosek, marsiuk sora nai lau ke baru songon bom tandan maturatak i ginjang an pas jam 00.00 nai. Na lobi mada pamborosan naso adong manfaat nai tile, hum tagi-tagi maia i padohal, tai argani barang nai tutung ni alai i nagodangan dei pala hita etong.
Adope ita parmainkon angko-angko nai pargunahon baen biaya manggodangkon kehidupan sekuler on. Bahat ni populasi panduduk di Jabodetabek ira-ira 26 juta jiwa. Baen ma songoni etong sotikna sapartolu sian i daganak, na radope marmainkon dopang-dopang ato petasan, kombang api atope tarompet, jadi marjumlah ira-ira 8.800.000 jiwa. Sian daganak sabahat i ita baen muse ma etong kasar sapartolu nai ma na aktif manobusi alat nangkinani na get manyambut taon baru on, marjumlahma ira-ira 2.900.000 alak. Ita cubo angko pangabisan on ita kalihon tu Rp.10.000 sajo pe. Dung kawin silang angko nol nai dapot ma angko pamborosan na : 29 MILYAR. Adope ulaki MILYAR, MILYAR, inda juta be. Ngape ale nai dopangkon ni poso-poso, bujing-bujing, ina-ina, ama-ama, atope ompung-ompung na madung pahat-pahaton.
Fantastis do epeng nai tutung ato iambukon dimalom taon baru on. Anggo tola gari kecek sugari—logikana na mardopang-dopang on dabo alak Islam juo don, konversi ni masyarakat Jabodetabek on mayoritas alak Islam do—sapartolu sajo pe epeng i, ima 9 milyar madung paten ibaen santunan. Santunan yatim 1 Muharram tarsabulan na lewat, igonti waktu dot acara nai, amman: KOTA BOGOR, KAB.BOGOR, JAKARTA, KAB. TANGERANG, KOTA TANGERANG, KOTATANGSEL, KOTA DEPOK, KAB BEKASI, DAN KOTA BEKASI, masing-masing mandapot SAOTIKNA 1 MILYAR. Ngun biaya pamborosan i baya le madung senyum mei bahat anak yatim atope alak-alak na miskin i, isalurkon jadi bakti sosial. Sugari…sugari doma da, anggo i toru i lek na dopet dot pung-pang do ubege marbaur. Songoni mei non sampe andostorang. Na sayang mei epeng i tile mamak, ning si Kamek tu au. Olo ningku muse, mulak ma homu taba bulu i tabusi miak tanah pasang mariam bambu, sasaborngin pe tarsapulu ribu juo, tapi ra alak sabanjar mei marmainkonna, margonti mangombus manyurkutna. Tapi inda sannari ba, pas get arrayo do tokinnai.
Rasulullah shallallahu 'alaihi wa sallam bersabda, “Sungguh kalian akan mengikuti jalan orang-orang sebelum kalian sejengkal demi sejengkal dan sehasta demi sehasta sampai jika orang-orang yang kalian ikuti itu masuk ke lubang dhob (yang penuh lika-liku, pen), pasti kalian pun akan mengikutinya.” Kami (para sahabat) berkata, “Wahai Rasulullah, Apakah yang diikuti itu adalah Yahudi dan Nashrani?”
Ingotma, Nabi shallallahu 'alaihi wa sallam secara tegas telah melarang kita meniru-niru orang kafir (tasyabbuh). Beliau bersabda, ”Barangsiapa yang menyerupai suatu kaum, maka dia termasuk bagian dari mereka”
telah tayang di FB Des 2013
0 komentar:
Posting Komentar