S A L A P A N J U J A R*

S A L A P A N J U J A R

Oleh : Darwin Lek Sanatuarian

Adong dabo nabaron sibodak na jeges di samping bagas ni alak si Icang i di dolok. Tarlampas sotik, inda aru bahat batuna tai godang-godang. Oni na kapalan juhut ni sibodaknai.

Dompak marbatu mada. Madung tuk nidaon ni mata madung matobang ma, pade ma baen poromon. Ngana piga borngin be ajakna nangkan na malamun mei. Soni ma hira-hira diroa ni Icang sabagas jadi pasti ibuatma.

Sabangso gala mantong ecekna nangkan ijujarkon tu tangkil nai. Ngara si Icang manaekna, mabiar ia itinggang tetek ni gota nai, ato tupek-tupek ni tunas dibatang nai margotahon juo lao panaekna.

Ijujarma dot gala bulu sana dong dipariki. Ipupu si Icang manjujarkon na inda juo madabu sibodak on. Margonti ia dot anggi nia sampe maretong anggi na jabat madung lapan kali inda juo madabu.

Rupana dung nipareso ngana dong sola ni gala panjujar i. Pantas do so nga ra, na salapanjujar do laa. Ima so anggi na pe madung salapan jujar lek so madabu juo.

Dung nibaen solana, sanjujar do, na bulus do dobum tu tano i..

Ha ha

Bogor 07/11/20

*TELAH TAYANG DI FB 07/11/2020