H O R B O*

 H O R B O

Oleh : Darwin Nasution

Sapala bahasa Malayu tong kerbau, bhs Jawa atope Betawi idok kalai kebo. Kumpul kebo ningna, benna marlugut mei horbo di sada nganan. Di lapangan, parmahanan atope kandang.

On hita inda get marcarito horbo sabahat-bahatna. Hum mangaligi habiasoan maia, pala paimbar horbo ngun tempat nadao, biadona mamake truk ato motor farah. Ra samotori lima sanga onom sakali maroban.

Jadi nga biaso i anggo jolma iangkut dohot motor farah. Halak manaek motor bon, lubukraya atope aek mais. Pokokna na jeges do motorna anggo obanonna halak.

Pala arrayo najolo nabahatan i na ngun huta lambung na kehe marlancung tu Pintu Angin tusam di Muarasipongi. Tandona nang sampe tu sadun rato dei maniop daun ni tusam mei sada-sada panumpang ni na marlancung i.

Sampe tontang ni Tamiang halai na riburan i. Songon na madung adong dei satahi daganak nai topi dalan pala mangida motor farah na marlancung, ke tu habiasoan nangkinan, horbo do naioban ni motor na sonian. "Horboo,... Horboo,... Horboo", ninna mei tu parlancungon. Marsibolnangan mei nida, tapi bia ma ibaen, sakelompok na hum lewat do. Ipe baya idok kalak muse dope horbo ima riangna ilala alai na arrayo i.

Cuma, na mandok horbo nangkinani, pala dong na mangajak marlancung marturuk ato motor barang na kehe do ia ba, jadi ia muse doma horboo...horboo...ning kalaki.

Ima su ulang iincakan kalak...tarsun pala iba pe na soni...rap horbo jadi na.

Bogor 08/11/20

*telah tayang di FB 08/11/2020