Oleh : Darwin Nasution
Torus torang da dongan kecek bola don da. Pala naso asik mangikuti perkembangan bola dunia, rado inda manarik carito on disia. Harana marmocom-mocom dontong asik dot hobbi satontang bacaon na mardunia on. Panulis sajo pe sabotulna anggo manonton marbal hum nadong do, na momoan mondok-ondok di jolo ni tivi, inda se aru candu jabat i, tarpodom jadi bola i muse doma manonton iba. Benna sering do mambasa scroll teks di internet manombo lek por juo roa mangikuti aha na tarjadi satontang olah si kulit bundar di dunia on. On maqomna saputar prediksi na martungkam balik don i poken-poken akhir liga di Anggoris dot Andalusia.
Monang ma Liverpool i sabolas partandingan manggonopi 36 kali main dohot point 80, bope kalah di nomor 36 i. Jadi benna 38 kali main i i Anggoris ra ma adong kemungkinan maksimal point nalai 89 manjadi juara. I toru nai Chelsea dot poin 78 dohot madung main 36 kali juo. Di napatoluna ima Mancy goarna dot point 77 partandinganna 35 dope. Dung imainkon kalai partandingan na pa 36 na mangalahkon Everton 2-3 maruba ma posisi, halai doma i gincatan point 80 monang salisi gol, umbahat kalai. Turun ma Liverpool tu posisi dua Chelsea tu posisi tolu. Imainkon Chelsea ma parjolo partandingan nia nomor 37, na mareluang dope alai caro matematika na anggo nalain kalah. Tapi rupo ison ma get mantakna ia marharop, sori do ia disi 0-0 dot Norwich, 79 dope point. Liverpool pe main ma minggu pa 37 on be rupo seri muse maia na tolap ia tu Caristal Palace 3-3, dua ari dung i monang Mancy 4-0 tu Aston Villa point nalai manjadi 83. Sori sajo pe di partandingan pangabisan madung juara. Posisi manjadi 83-81-79 antara tolu klub i, Chelsea kaluar ngun parsaingan partandingan pangabisan manuju juara, nga tarkojar ia be point ni Mancy. Dua klub nai doma nangkan mamainkon partandingan Mancy - West Ham dot Liverpool - Newcastle. Liverpool juara kon na kalah ma Mancy di puncak nai. Bahat manggadang-gadang Liverpool nangkan juara targan so partandingan nomor 36 na ingkani, pas lawan nia Chelsea, ompong 0-2. Padohal seri sajo pe ma hum ringan langkah nia tu partandingan salanjutna. Ima rupa panurunan ni performa i dungi na seri muse dope sakali nai jadi manipis peluang. Mancy doma kartu i, ia doma manontuon peluang nia.
Pala di Andalusia tong posisi na ATM 88-BAR 85-RMA 84 dung salose minggu 36. Sabotulna RMA na tarsarupoon kalai dei gari point i tu ATM 88 targan katinggalan kalai main di minggu 35-36 dot poit 82, bo dabole sori ma tu Valencia 2-2, sori muse dot Valladolid 1-1. Barca madung honok mei songon na mangaku ilala alai, boh mangompot mulak marbuka peluang i, bisa ia juara harana ATM laon di partandingan pangabisan. RMA painte nasib doma, konna adongma na dua kali unggal ATM dot BAR di dua session na ro on so dong harapan nalai. Son na kehe mulak pendulum i tu Barca, i samping get balas dendam kalai tu ATM na manyingkirkon kalai di UCL. Halai do na madung manyiapkon mandera na bontar, ampe baya nara dope maroban sangkir kalai di ujung kompetisi. Ita ligi ma sangan aha na tarjadi di dua poken pangabisan on.
Manjadi ma partandingan na mangarangsang adrenalin harap-harap cemas di pandukung ni Mancy dot Liverpool partandingan poken 38 antara Mancy -West Ham dot Liverpool - Newcastle. Dua-dua na masih peluang juara tai adong sarat na. Di Andalusia manarik-rik ma partandingan ATM-MALAGA, BAR-ATM partandingan ni ATM. Barca sisa na ELCHE-BAR dot BAR-ATM. RMA tinggal juo dua ima CEL-RMA dot RMA-ESP. Nasib ni RMA abis pala monang ATM di partandingan nomor 37. Anggo inda marpeluang mulak tolu-toluna. Saotik Catatan ATM dot RMA marrobut dope alai di UCL final bope misalna i ambil Barca piala liga i. Ampot na sada be do RMA (madung maroban Copa del Ray), Barca (Liga), ATM (UCL). Nga binoto i, ra mungkin bagi ras.
FB090514.
0 komentar:
Posting Komentar