Oleh : Darwin Nasution
Asal hata ni on ira-ira ni panulis ruangku singkot. Songon jia do ale na singkot, ima soik ato i gotap sanga iantara an inda mandapot na i porluon saharusna so lek mangolu. Pala kulit manis, joring, atope jambu umpamo i singkot i ubak ulit ni batang nai nai humaliang sampe i iskis sanga i tanggo ulit ari nai, jadi gotap mantong dalan ni panganon ngun tano i na masuk lewat ulit nai, na patumburkon dot pangolu ia. Isi ma hosa ni suan-suanan i. Pala halak antong manyingkot biasona manggantung ibana dei dot tali na bahatna, i sabola talonan nai, pangkobek an nai ngun pudi, anso ulang tarbuka be. Hosa ngun udara mantong na porlu so lek mardogup paru-paru nai inda ilehen be. Bo so antong paru-paru i, dohot kuaso ni Na Sada I, mate ma alak on mate manyingkot, mate mambunu iba nia sandiri.
Taradong-adong kajadian manyingkot on di itaan Mandailing. Hum ngada tiop kampung dei binege adong caritona. Nga pola sitoho goar da harana marhubungan dot aib ni keluarga don pastina. Tai manjadi carito dot ikhtibar don di alak na mangolu bahasona i caro mate naso tola, na mate fasiq dontong goarna. Na hebatna i tompang setan dope manombo carito nai. I patidaon setan sanga ijia lokasi ni alak na manyingkot i--habiasoanna di dangka ni ayu--dohot suaro ni kulik-kulik manyambar, sanga sora ni misang mandorik. I ligi-ligi halak i ma dalan tu suaro i pas mantong memang madung adong kalak na manyingkot. Hona patuduon setan saro jitana.
Padohal manyingkot--dohot alasan aha sajo pe--halak nai nangkan mangarasoi na mancit tolu kali. Na parjolo, mancit ato mandarita ia di dunia on sahinggo i putuskon ia kon mate songoni, jana negatif situtu mei caro marfikir na mangolu i; paduana ngana tanggung hancitna ibayangkon lao mate nai, isingkot ia sandiri dalan mosa nia; patoluna antong mancit mandarita di pangadilan ni Tuhan tai ma di akhirat saulakon. Mate naso i kehendaki, harana ia do pemilik kehidupan, aso iela, tontu godang dosa na.
Benna adong-adong i tarjadi di alak Islam di jia sajo, di Mandailing na mayoritas Islam pe songoni, na patidaon panurunan keimanan doi, padohal ugamo do biasona na manurunkon arsak ni roa na marjalikot ambaen paetna hangoluan dot hasuadaan umpamo. Tantangan hangoluan sekuler bahkan ro muse mulak atheis mambaen halak hurang iman dot manyuadaon sandaran tu Na Sada I, Ia do na manolong manyaloseon parsoalan hangoluan on sude.
Situdi ni (Miles E Simpson dan George H Conklin, “Socio-economic Development, Suicide and Religion: A Tes of Durkheim’s Theory of Religion and Suciede”), patidaon persentase Muslim di dunia on relasi negatif do ato relatif kecil do nian angko bunu diri na di alak Islam. Jadi bolas do idokon ia agama i do na jadi pengendali, dao um gincat di nagori na sekuler atope na atheis.
Bunu diri atope manyingkot on madung jaleh don dosa harana Allah SWT maia na marhak mangela hangoluan na madung ilehen nia i. Baco ma keterangan ugamo lanjutan di satontang manyingkot on, so ulang malenceng arti nai, inda be saro Mandailing, bahasa polisi doma ibaen.
Terlarang bagi umat Islam untuk mengharapkan kematian. Tak peduli bagaimana pun kondisi mereka. Dan, orang yang bunuh diri tidak boleh dishalati. Allah SWT secara tegas melarang tindakan bunuh diri. Larangan itu disebutkan, antara lain, dalam surah an-Nisa’ ayat 29 yang artinya,
“Janganlah kamu membunuh dirimu, sesungguhnya Allah adalah Maha penyayang kepadamu.” Ini seperti tertuang pula di surah an-Nisa’ ayat 30.
Dalam hadits yang diriwayatkan oleh Bukhari dan Muslim dari Ad-Dahak disebutkan, “Barang siapa terjun dari sebuah bukit untuk menewaskan dirinya maka kelak ia akan masuk neraka dalam keadaan terlempar jasadnya. Ia kekal dalam neraka selama-lamanya.”
“Barang siapa yang meneguk racun dan racun itu menewaskan dirinya, maka racun itu akan tetap dalam genggaman tangannya sambil meneguknya di dalam neraka jahanam. la juga kekal di dalamnya selama-lamanya.”
Imam asy-Syathibi menyatakan bahwa semua ajaran yang ditetapkan oleh Islam adalah untuk menjaga kemaslahatan. Berdasarkan dalil-dalil di atas jelas bahwa bunuh diri merupakan perbuatan yang dilarang dan bertentangan dengan perintah agama. Karena besarnya dosa akibat perbuatan tersebut maka tempat kembali orang yang melakukannya adalah neraka jahanam.
*telah tayang di FB April 2014
0 komentar:
Posting Komentar