M O R O N G*

 

M O R O N G

Oleh : Darwin Nasution

"Na santing mada tangkok ni Gonting-an da, morong doma hondangkon" ning si Patas

"Na marun dau daboi natuari, benna lupa daui morong, idei so songon na polngit naroi ho tu bagas" hobar ni si Dalian dungi.

"Dung hona dabo pelor ni jojal i tu alipkip ni babi jangak nai, morong ma lau mate di sampilpil i", tudos ni alak si Sarman muse

Jadi ima tele dongan-dongan conto pamakean hata "morong" di pangecek-an ni alak Mandailing. Morong on tarsongon melenguh di horbo na mangalo, ato meringkik di piaroan kudo. Huting pe hebat orongna sapala marbada, wwauuu, waaaau, waaaaauuu ninna binege maralo ngun dua huting na duel i.

Aha do asal kata ni morong on sahinggo manjadi khasanah ato mufrodat di bahasa Mandailing. Anggo menurut penulis setelah memeriksa beberapa perbandingan sumber, asalna ngun "meraung". Sobob takrifna didok disi bahat berteriak, menangis, memekik, mengeluh, sembari mengeraskan suara.

Masuk mei tu conto nangkinan, na marun i pe dabo morong mei pagogo sora, so isapaan sangan aha giot nia idok ia mei misalna limbat nai gule arsik. Morong doma motor i ben borat ni bobanna i tangkok, sahinggo marngaur doma sora ni gandalpot nai, dst.

Ima ira-ira simpulna tele dongan morong itu asalna kurang lebih meraung

#kosakatamandailing

Bogor 09/03/23

*telah tayang di FB 09/03/2023