L A S I A K
Oleh :Darwin Nasution
Lasiak ato panganon nasiak madung mardomu mon dot identitas ni alak Mandailing. Pandaian ni alak kita inda na puas ilalasa anggo nga siak. Anggo tanggung raso nai malah idokon naso mardai.
Muloi dontong umur sataon ruangku daganak di itaon, dung muloi marsiajar mangan indahan na sapaket mei mangan lasiak. Lek gule ni alak na dewasa i mei dipangan daganak pe, ngana jabat nai paasing i be. Paling mula masiak tu iapuskon umak nai jolo gule i tu indahan nia baru ilen tu danak so urak lasiak nai.
Madung mafhum mei sangan sonjia gule bolut ni alak kita, gule ihan, ato secara umum kuah rara, angke baen maksimumna dei lasiak i bagasan. Pala gule bulung gadung bope rata mandoit dei harana lasiak suri na rata dei tusi.
Lasiak secara umum nai pake i mandailing ima lasiak godang na ginjang2 i, lasiak kariting deba alak mandok. Dung i lasiak lamot ato lasiak suri na menek na porngis siak nai. Anggo lasiak na gomok ato tewe na ngun jawa i, dot lasiak bungo vespa hurang dei martarimo na.
Jadi soni ma satontang carito lasiak on. Bahat budidaya sannari di huta. Adong na panen dompak ro arga, mandapot, tarutamo lau arrayo. Adong inda cocok maso nai, inda mamado hasilna.
Ibaen dainang mada masakanna
marbahan ihan dot lasiakna
anggo nga murcop damang manganca
Inda na puas i ilalasa
Bogor, 20/06/21
0 komentar:
Posting Komentar