Oleh : Darwin Nasution
"Songonon do dabo ibaen", ninna ma adop master-master tamatan luar nagori, dosen di Bahasa dan Sastra Inggris USU. "Kan nga malo homu mambaenna anggo nga iajaran", ninna muse tambana. Au dompak isi pakoreksion skripsingku na madung iuji tai adong perbaikan redaksi. "Aha dei langa tulang", ningku sakadar marsapa sanga aha nai tudoskon nalai tu dosen-dosen muda ni sastra i. "Aha dei bo bere, get adong launching ni perkumpulan sastrawan di USU on, pembukaan resmina i hadiri rektor", ninna halai tu au. "Jadi untuk mambaen tertib acara sajo so runut ngana dong na malo dosen tamatan luar nagori on", ninna muse songon na mandakwa. Uligintong sanga sonjia nai tuliskon nalai di tertib acara i, oihda sangajo na rigit mada baik waktu bope peta situasina. Maksudna ibaen tulisan dalam kurung misalnya [lihat, pembicara duduk dulu kembali baru bacakan tertib acara berikutnya]. Sangajo botulma sutradara halai na biaso mambaen skenario, nangkon adong memang i ninna tarsongon peta situasina berupa kata.
"Imada bere, luar negeri i inda identik i sude dot kualitas na denggan" ninna ma tu au di sela-sela ibana mambaca bab-bab skripsingki. Huboto do maksud nalai masih manggugat dosen-dosen sastra Inggris tamatan Australia, Malaysia atope England asli parsikolaan nai. Ninna halai madung manganjurkon so totop do dasarna alai dosen-dosen on berkarya dalam sastra Indonesia do, bope nai terjemahkon mulak kinnai tu bahasa Inggiris. Sapardi Jokodamono pe dabo bere tamatan luar dei, tai anggo kebesaran ni karya nia dalam sastra Indonesia dei, seolah curhat kulala halai, sabotulna tu dosen-dosen i dei tujuan ni alai. "Madung hudokon mei ji alai sada-sada so i pakuat sastra Indonesia nai", ningkalai muse satorusna. Anso ulang hum monang gelar luar sajo tai inda marisi. Homu pe tokinnai bere anggo lalu homu na sikola tu luar dalam bidang antropologi i, akar kekuatan muyu gari penelitian totop do antropologi Indonesia, inda asing ninna mangadop mata nai tu mukongku. "Olo mamak", ningku songoni pondok dot mantap.
Jadi ima rupa parhalan nalai dompak disi, mambaen perkumpulan sastrawan USU. Tarmasuk malai pakar antong disi bope nga tamatan sastra alai, inda muse tamatan luar negeri. Tamatan Antropologi Fisip do alai. Anggo sastra dot kesutradaraan i na i parsiajari nalai secara otodidak dei tapi hum bajora dalai pado halai sude di sastra USU i. Tarsongon pembina ma jabatan nalai di perkumpulan on, harana nga bisa tarsongon ketua benna dosen tamu ato dosen luar biasa i maia halai disi harani keahlian sastra dot antropologi. Mangajar antropologi mantong halai deba di sastra i matakuliah dasar. Mangaku juo do memang tamatan luar nagori on ji au i sada kasampatan benna bahat i mantong waktu tu ruangan bersama dosen disi. Hatia i inda isi halai dompak mangajar. "Sangajo na ponting i teliti dot pintar na apak i", ning sada dosen ma mandok tulang on "Mambaen siluet apak i ma sada pakarna di Sumut on", padohal ngana ikuliahkon ninna muse manambai pujian. Au pentong tarsongonima na huboto, bahat bakat nalai naso i sikola hon.
Tarsapoken dung tarlaksana acara ni halai i, tibo muse ma waktuna angkon mangalapur perbaikan skripsi punangki. Dung ibaca halai, mangangguk kalai uida tando madung oke, habis ni i marcarito doma hami di ruangan nalai i. Usapai juo ma sanga sukses do acara satontang parkumpulan sastra na launching na sadari an. "Sukses do nian bere", tapi ha na loja ma awam tu sastrawan polos na di USU on, ninna manimpali. "Ma sotik tu itumpahkon kalai waktu manggali keahlian", ninna muse sotik nai. "Songoni ma bere, homu pe ben madung i muloi homu na manulis satontang ilmu sosial on, ulang komu lupa mangasahna torus so ahli", ningkalai muse lek tu au ujung na.
Dung hupikir sannari, au sajo ibaen kalai panggulangan ni kecek, sabotulna na godangan hasayana. Anggo ngana i gogoi nalai sajo mangayakna so manulis asal pasuo, ampot naso malo do iba manulis sa paragrap pe sampe sannari satontang ilmu. Mur ma lungun mantong ilala sebagai muridna salah satu na asli mandailing. Taringot muse mada on tulang, tulang Zainuddin Pangaduan Lubis. Lapang komu nian di bagasan kubur muyu. Aamiin
0 komentar:
Posting Komentar