GULAEN BAKOK*

 Oleh : Darwin Nasution

Bakok sabangso gulaen tarsongon Aruting na mangolu di aek na tawar. Anggo aruting antong aekna tawar nai hum ias dope saumpamo tobat naso marlimbah pambuangan ni manusia, baba bondar, atope bonca-bonca sanga ombik ni saba. Disi ma ia mangampal touk sanga gulaen atope siapor na menek-menek na marmayam di aek sanga sihit i topi ni aeki. Anggo bakok nakotor-kotoran nganan nia, i rura na mancampur dot kotoran ni alak, i lambung ni kakus, atope di muara-muara ni rura na rata doma jabat aek nai.

Parbedaan na asing aruting dot bakok antong di warna nai juo ma langsung tarida. Pala aruting coklat ngun ginjang pala i balik bontar boltok nai. Bakok rata ngun ginjang, ibalik lek rata bope marbayangan bontar sotik um na tukit. Aruting so bage naganjingan iba mangan i, anggo bakok langsung dei iambungkon harani tarida ia sangan di jia marmayamna di aek i.

Gulaen terkutuk dei ninna dabo i Jawa bakokon. Ampot aruting na terkutuk dontong. Nga dong jabat na i specialkon mambuat bakok on saumpamo mangkail. Cuma na seringan on mangakaru dompak mangkail sulum iba di sekitar muara ni rura, dompak marmayam niroa tu naias i. Ato marcampur dot gulaen na asing pala dompak mangarsik mambolat batang aek. Pala dapot nian inda langsung iambungkon i sadebana, lek adong juo dei na marobanna mulak ambaen panganon ni uting sanga anjing.

Halak naso ra maridi ias madung marmayam i aek nakotor umpamo di rura-rura atope bondar-bondar, ro ma nida rata kulit nai. Ianggo pentong muap nai sangajo asing do benna so marsabun i niroa. Idok kalak juo mei halak nasongononan muap bakok ato itok. Lupa atehe, bakok on memang ipio juo don di mandailing dot itok. Daganak na lumobi bauna idok juo mei namuap itok.

Inda huboto sanga aha hubunganna dot alak nai. Adong juo don halak Mandailing na mamake na manjadi goar harajaon. Sanga na spontanitas sajo pe inda dapot rarena. Marsuo ji penulis dompak tinggal dope najolo di Mandailing dongan sindosan saparmayaman margoar raja goar ni gulaen on. Dung marbagas ia pasma i tabalkon ma tusia, rupa goar ni ompung nia dei, goar raja nia i ima Ja Bakok. Anggo tampilan nia huida nian inda songon bakok, mungkin spontanitas madai tile Gading (goar asli nia Ja Bakok)

*telah terbit di FB Mei 2014