DUHUT I ANTARA NI EME*

 Oleh : Darwin Nasution

Najolo dompak mangiut iba tu saba, tarpamanat-manat mei bahasona adong sajodei duhut,
simareme-eme atope angur-angur di antara ni eme i. Na jot-jotan iba isuru orangtua mancabuti duhut na marbaur di antara ni eme on. Dung i parcabutkon ira-ira dapot ma sagok ni tangan get iambungkon mei ilala tu topi sanga tu duru i. Naget manghanjakna dope mangambungkon idok umak mei ulang, onyakkon songoni tubagasan ni bustak i i lupak nai, ninna. Tarsonggot ma iba tong, harana duhut naso marguna do nida aso nga iambungkon. "Aso dei umak so kon nai bonomkon tu bustak i", ningku mei marsapa. Ialusina, bahasona dung bucuk tongkinnaiduhut i manjadi pupuk mei di eme naisuan i. Mondok maiba tong, antara na paham dot heran.

Marpituah muse sotik dung i dainang. Satiop ari on hita pasti maradopan dotmasalah, bope
ngana iundang ngana tong por roha niba i. Jaru pe songoni angkon totop iusahoon sanga
songon jia jalan keluarna, ninna boti.

Songon duhut na marbaur di antar ni emei amang, tubu dei dot sandirina,ngana ita suan jabat i. Tai dot cara mangagohonna na topek bisa ita mambaenna manjadi marguna ji eme i. Pala ibahas mun madao, pala tarmomo tubu duhut i sabai, tandona dei tingkat kesuburan ni tano sabai deges. Pala sabalikna payah tubu duhut biasona tano saba naso subur dei ato tano na gariang.

Maksudna na tersirat antong ima satontang hadengganan. Eme antong ihtibarna sumber ni panganon mai. Pala isuan eme dot suan-suanan naso marguna pe mangiut tubu di napu nai songon naidok nangkinani. Tapi anggo isuan duhut nga rai jabat mangiut eme. Manompang halak di kebaikan niba jeges, bope na jahat ia. Tapi ngakan ra iba manompang jabat di hajahatan nia. Jadi patidaonna juo sanga jia nadeges ato napade marsarak dot na jat ato naso marhasaya. Marhasaya eme marhasaya halak na denggan, iosingkon duhut dot na asing i padao-dao halak dei anggo jahat iba. Tambana, pala bahat dapot masalah di na mangolu, ulang bahat mengeluh, benna bahat dei jalan keluar disi, bahat peluang memperbaikina tu hasaya di ngolu niba.

*telah terbit di FB April 2014