Oleh : Darwin Nasution
Na ingkani dompak Sikola Dasar (SD) iba adong sajo mentong sasapoken parsiajaran kesenian marlagu tu jolo. Maso i nailaan dope i ilala marlagu anggo ijolo ni dongan-dongan niba i. Rap soni dei nida sude alaklai adaboru. Jadi adong mei lagu-lagu lopeh rodi, asal ulang i ukum anggo nga dong lagu na. Jia mei ruai lagu-lagu nai?
Pala si Gading dot si Bandut na momo nai dei ibaen kalai. I hantam na mei lagu nasional na pondok nai ima Satu Nusa.
Satu Nusa Satu Bangsa
Satu Bahasa Kita
Tanah air pasti jaya
Untuk slama-lamanya
Indonesia pusaka, indonesia tercinta
Satu Nusa, Satu Bangsa, Satu Bahasa Kita
I pe ngana marnot, saipas-ipasna dei, songon jia so ipas juguk. Ngana tarkua encik nai beda, angke isuruon pe non mangulaki, nga angkan na ra bei, tangis dome i non ro. Na ian sajo ma rara mei mukoi ben ilana na get marlagu on.
Anggo si Paet antong lain muse do, hum pondok muse dope, na on mei lagu nia muloi kalas sada sampe kalas onom. I suru apak i pe non marlagu na lain ngana ra i margonti. Lagu aha ma ale dongan. Basa ma songoni bait naon, i laguhon pe jadi
Kurang vitamin A kau buta senja
Kalau makin lama matamu buta
Tak perlu kau susah untuk menjaga
Makan saja buah sayur berwarna
Salose i endehon ia, na dopeng mei juguk. Geleran lagu na lain antong si Yadelin dei pala inda si Batuah. Anggo on lagu Mandailing don, lek sarupo nga margonti muloi do binotona marlagu tu jolo, sampe tamat lek i laguna. Sise homu dongan on ma bo lagu nai
Di dididi di portibi on
Macam-macam ma sonnari
Molo halak di kota
Istilah na sonnari
Siapa lu ah siapa gua
Di dididi di portibi on
Adoboru sonjia muse i lagu ni alai. Adong antong na marlagu Kurang Vitamin A. Oni adong muse dei tarsongon lagu wajib ni kaum hawa on. Pala so sala au on mei syairna
Lihat kebunku penuh dengan bunga
Ada yang merah dan ada yang putih
Setiap hari kusiram semua
Mawar melati semuanya indah
Lihat kebunku penuh dengan bunga ...
Marcipur muse mei tu juguan nan dung salose marlagu. Tai adong dei ikalas sabola binege lagu nai natagi an. Abang Amir dei ninna na marlagu i sajo landung doma. Lagu-lagu ni Ida Laila & S. Ahmadi dei ipasangna. Songon on umpamo,
...dan kelak di padang mahsyar
oh dari mulutmu keluar
nanah bercampur darah
sebagai suatu balasan
dirimu yang penuh kedustaan...
Manombo lagu lagu ni Muksin Alatas pala inda Rhoma Irama.Memang na malo-maloan kalai saompu i marlagu, oni inda parila. Anggo inda sala au anggota ni OM Sinar Bambu don abang on, maksudna sude alat musikna ngun bulu dope dompak i.
Imadah na masa-masa i teleh. Taringot mulak ila ni na marlagu tu jolo. Anggo penulis maso i adong di kelompok pertama i dei, Satu Nusa. Inda boto sanga na sonjia i, inda ra kaluar kemampuan i anggo marlagu. I tutupi ila nai do mungkin sude...
Bogor Des 2014
0 komentar:
Posting Komentar