Oleh : Darwin Nasution
Pas abis maridi biasona SIREGAR mei pangkilalaan pamatang i.
Dung sitedy kehe mantong marmayam tu jae, maradian
itoru ni POHAN sauh, pas di kode kopi na di topi pasar i.
Mangan kotan dot goreng ma jolo disi sangompot. Ama na
bontar pangidaon danon sipulut ni kotan on, inda mardodak
sotik pe. Ning nampuna lopoi, Ja Rindang, na papian
panyegena di PARINDURI buatan Simandolam. Mangecek
anta sadia onok dot dongan disi, male muse mulak, lalu
upaido panganon LUBIS na lobi kontal kuah gulo bargot na,
sahinggo songon na PAyah doma nida maNEtek, boti pas
muse parancim ni arambir nai. Songoni ma halilian ari-ari
pala i kampung, i sajo ma ilala NaSoTarlupaon i, tie NASUTION,
nangkon ko dohot da. MARDIA langa si DAULAY, na poran
ruangku tu lopo rap dot ia. Dongan ta na sada nai ngana ungada
tarontang sannari jalang, HASIBUAN dompak karejo nia.
Palan-palan soni pangayak ni kareta on, non MATONDANG
kita dot motor, sampak muse ita tu batang ni DALIMUNTHE nai topi
dalan i, ato tu napal BATUBARA i radei mangkabar-bar, payah
muse dongan manjalahi PULUNGAN ni ubatna. Olo, marasok
ma ita soni RANGKUTI e, nangkon jabat LINTANG pukang
ninna bahasa polisi, arana adong RAMBEen batang karambir
i ijolo boh. Palan asal salamat tu Ja Rindang an, songoni ma
ilala do’a dan HARAHAPan i tu Na Sada I. Mangecek i marga sajo
hita muloi nangkin, parlopo i aha dei langa marga nia. Pandok ni
alak munjung...eh sala...TANJUNG, jadi lengkapna Ja Rindang Tanjung.
MARDIA ibana so ibaen na jolo kopi paet marcendok i.
*telah tayang di FB Jan 2014
0 komentar:
Posting Komentar