Oleh : Darwin Nasution
Sapala mardalan borngin iba ngun Mandailing Julu tu Panyabungan, na sep mada pamandangan setting ni lopo-lopo i da tile. Cet na baru sajo nida, ato mungkin dodas i pabaru so mantap tampilan nai. Mur ma keren muse ma nida dot lampu na pasang ngana tanggung toang-torangna. Main di Philip ato paling toruk Shinyoku nida tata bohlam nai. Mantap surantap nida performance nai son pandok ni pangaranto Bojongkenyot. Pangisina, amang oi, jarang dei dapot natobang-tobang disi. Paling mei pala na songgop natua-tua disi abis Isya sampe jam 08 borngin. Dung i na markaluaran mei angin nalai muloi, manuju tu bagas muse domei geleranna ikusuk inanta i dot miyak bawang. Atehe ise do pangisi ni lopo-lopo na mirip cafe on. Poso-poso na sinang ato cerah dope on saro Malayu na doon kulluhum mian disi, muloi sian maghorib sampe tu torang ni ari mulak. Incogot nai baru modom ma alai arian arani mordok ni mata. Mang pas ma naposo-poso on ira-ira aluang sanga lompong, borngin doma haruar manjalahi alngeon ato halilian.
Jana aha sajo mei karejo ni alai di lopoi. So manyita waktu oni tahan onok kuida adong parmainan. Rato doma nida adong catur, dobol, marleng atope mambahas buntut ato togel. Sotik carito tu togel on, adong bagen dei ninna jabat na mangido nomor tu na rintik. Boh sakali adong naso manyambung, narintik mantong. "Nomor piga do buntut jou", ninna mon sada bayo marsapa tu narintik na dompak so di sopo-sopo. "Inda muntut au ba, nga pe dong" ning narintik on. Sambang jengkar muli aluang, inda mardomu kecek i, ima su ulang i sapaan na rintik, na um rintik dome ecekna le na marsapai. Jadi ima tie, mocom ma karejoonkon nalai di lopo i sampe tahan sasa borngin. Marcatur, mardobol 101, ato marleng huida inda manarik on anggo nga martaru sotik bahat, so adong pamboratina, ninna mon muse tambana. Marbalut judi do marbuka ni lopo i. Soni ma latihan nalai sasa taon, sahinggo ra ma tarcandu, bahat inda be tarlupaon ibana sampe manjadi marsak doma go ngadong epeng ben adu on tu lopo an. Sonjia mei hal na ponting umpamo ibadah, anggo na gokan do waktu di lopo ?
Angke ima sada maksud ni tulisan on. Bahat na lalai tu ibadah tarutamo shalat ato sumbayang. Soni juo tong nida tanggapan ni masyarakat i tu paliaro musojid nai. Marsamari marhubungan dei da nian. Benna su tartarik be alak na poso on tu musojid, sahinggo sotik doma minat pajeges musojid nai. Inda marimbang nida di sagalo hal pala i bandingkon tu lopo 'cafe' nangkinani. Bahat ma uligi musojid i usom-usom doma cetna, peneranganna umna nahit, bahat ruangku watt na paling toruk dei deba lampu ni i. Pala i tatap muse le panghuni ni musojid on tiop waktu sumbayang, oisdah, apusma ambubumu sampe tu indoramu, na usom-usom juo do. Ompung i Daud, Bakar, ato Regar do di sada kampung na jot-jot masuk musojid. Di kampung adun, tulang Dolok, pak Ali ato ompung Ruslan maia na dor i pudi ni imom nai. I ligi usia ni halak-halak na hudokon i mang usia 60 sampe 70 taon mon. Ma ijia umur 6 taon sampe 36 taon. Na muap tano doma pangisi ni mandersah i ale. Padohal tele, sada na mandapot naungan ngun Allah SWT saulakon, sada hatiha naso adong be naungan salain sian Na Sada i ima tu naposo-poso na di hatia poso na manyangkotkon ibadahna salalu tu musojid. Maotik ilala harapan kamajuan marugamo i i itaan anggo iligi sampe sadari on. “Nangkon dabo mapaksa tu mangajak sumbayang, lek ra dei tokinnai”, ning sada umak-umakma uajak sajo daganak sumbayang pas adong waktu na. Ala, na sotik mei parkiroan tu jolo i tele, pala nga ra juo tokin nai bia mai ale. Nga tardok
Harani i, mur maotik ilala harapan ni orang tua niba najolo i, anggo ilmu agama ninna tuntuton i pabahatma dompak i kampung. Sian carito na diginjang nangkinan, songon na habang ulala harapan i da. Inda be na por situtu roa ni alak kampung pe sannari pakuat ilmu agama ni anak na. Itamba keadaan ni lingkungan i songon manolon bulat-bulat doma di kemajuan kota i, i paimbar tu desa. Au pribadi tong mangaligi sandiri tu iba, atope tu daganak, kuatan doma agama di kota, bope bahat juo nida dalan ni dosa di sadun. Cuma na di kampung on songon euforia doma na get maju i, sampe madao sian agama, magodang marsibuk di minor ni lopo-lopo domana. Ibo roa mangida harapan ni simatobang nai na get mangaropkon doah ni daganak na soleh, anggo mangaligi gokna mangabiskon waktu i di lopo an.
Saotik nai arani i, angkon nadong doma upayo na lebih di orang tua on mangajak kalai mulak tu musojid maribadah. Oni, angkon itamba dot doah na kuat mudah-mudahan daganak on mandapot hidayah sian na Maha Pemberi Hidayah i. Bolas do idokon i doma harapan ta, iapus ambubu ni daganak on abis shalat malam mudah-mudahan ibalik Tuhantai ate-ate nalai tu na denggan. Jadi ma nian musojid an pe um torang dot um cerah sian lopo ato ‘cafe’an i parami naposo-poso na soleh maribadah. Amiin.
0 komentar:
Posting Komentar