Carito on satontang naso dong ide don hulala na get suratonkon. Artina na kaluar oni ra marsambung ilala hata-hata nai jadi carito na utuh. Padohal ngana pade nasongononan. Busa-base songoni ngadong na puluk ilala i bagasan roa i. Puluk adi bahasa Mandailing dei, songon Angkola dabo ulala palanga Toba, artina inda dong ilala naro roa dompak get sampeonkon lewat alaman bolak catatan ni Facebook on.
Jadi tulisan tanpa ide on pe songoni ngana porlu i posting on sabotulna, tai mungkin dongan-dongan pe ungada juo do mangalami bosan. galau ning daganak na habauanna sannari, atope boring ning halak luar negeri. Ra dei mungkin pala semrawut lingkungan nai jadi inda dong ilala tema khusus na get ketikon. Na manulis ra dompak bahat masalah umpamo, muloi ma ro tagiahan-tagihan mangadopi daganak na sada get tamat SMP, na sada get tamat SD, adong na get masuk Play grup, adong na malungun mulak ro kabarna ngun pesantren sementara i sadun na susahan izin, adong muse na dompak marun urang sehat. Tarbayang etong bulan doma tu jolo epeng get masuk SMA, epeng get masuk SMP ato pesantren ato mangkondision danak na menek boru si sada-sada masuk TK ato PAUD. Maso on nadua halak na get tamat on na hiruk pikuk sajo ma get UN dot UP na marisi bahat pangidoanna uang ujian, perpisahan, tukar kado, dst. Markuliang soni pamikiran i bope nga jabat pitu kuliang, na dodas mambaen pikiran blank, hang, atope error kumpulan paragrap naget tulisonkon. Bahasa polisina na asing mungkin tola mon idok gelisah, padohal gelisah on angkon padao on don, degenan dope i papodom, harana ning dongan kubege ungada "langkah pertama sesuatu yang tidak baik, adalah kegelisahan". Sampe-sampe kegelisahan niba on marujung carito naso ponting on. Tai nga mangua i be pinomat marbagi carito kosong tu si Zaki sangan si Mukhlis.
Dongan ku nadua i na raan manulis dot mambaca. Halai ruangku adong sajo dei ide ni alai. Au pe daripada nga manulis bope naso adong ide ima so u cekor-cekor soni sotik baen catatan on. Bope ngadong maknana jabat, ampot loja jari-jari on, ra mungkin turun borat badan niba bope mardua ons soni. Ma na pontingan dabo payahna manurunkonna, ra ningkalak konna maraton domei jam 12 arian di las niari i so copat.
On ma tandona naso mar ide tulisan on da malapat songoni tu jia-jia nga fokus satontang sanga aha misalna, mambaen lubang (panggorean) atope mandehe (mangaramok). Inda na jelas lapatanna dompak, konna libur mon ruangku jolo na manulis catatan on sampe ro mulak ide na segar satontang ugamo atope ke-mandailingan. I urus ma jolo na mambaen kusut dot semrawut i so adong mulak ruang paranak-pinakan ni ide di rongga ni utok-utok i. Ra ruangku i dome jolo jalan kaluarna, iela-ela sada rambang-rambang nai so ias mulak. Dung ias mulak kinnai baru ita pasang muse tulisan na baru na segar ide dot pamaparanna. Santabi da dongan-dongan nga mardaro (marbenang merah) taraso tulisan nai, biama ningku angke muloi pe sian judul dot parasaan dot pikiran niba dompak on do, "inda dong ide".
Salam ...
TELAH TAYANG DI fb FEB 14
0 komentar:
Posting Komentar