S I L E M B E K
Oleh : Darwin Nasution
Aha don makasudna. Anggo bhs Indonesia lawan kata ni keras, ima lembek ato dayuk. Nasi lembek mararti bubur indahan misalna. Ato adong pepatah mandok "keras-keras kerak kena air lembek juga"
Carito on tarsoni juo ma, tai inda panganon, halak ato manusia don. Gorarna si Lembek. Tai sapambotoan asal kata goar on ngun sulembek, aslina Suleman. Adong dei uti-utian najolo lembek ia semangat na "Leman leput tidak bisa di kota pulang ke kampung". Ungada ke maranto bg Lembek ngape malamun poroman ni pisang madung mulak ia.
Tinggal na najolo di bagas na punjung, dalan napal parlubukan na pas di lombang Siluak i. Ruangku samocom parkoumon ni halak Ja Onggang dope on. Harana mangolu dope Ompung parlosung bonggar kincir na pake indalu i, madung isi mei bg Lembek. Tambana adong juo di bagas i bg Raman, madung tu bagas na ia, pindah tu psr Tamiang an.
Keseharian ni bg Lembek tong dung inda bisa i kota, manakik di jae inpres i alakadarna soni. Pala kehe nida manopi-nopi napal mangkail ato manombo mangkoruk karangen na gantil manjalai sere alus. Soni ma, sulang sae suada mara soni manjalai ben disia.
Balakangan boto ro juo dei jodoh nia. Bope idok kalak lembek, dungi na ke do ia maranto tu arah Sidimpukek ioban ioban ia nai buat nia i. Dung adong tanggungan i nga barani muse ia be i kampung, marbalik 180 derajat. Oni muse na bahatan kalai i bagas nangkinan i, tarmasuk nampuna bagas i.
Ujung na na seringan on ng Lembek marlogu, na ungada u bege lagu Mana Tahan nai model nia,
"adu adu adu adudu manatahan manahan" ninna mei marpupu, padohal Manahan i da angi ni si Miah dei idolok dalan.
Bogor 03/0/12/20
*telah tayang di FB 03/12/2020
0 komentar:
Posting Komentar