M A R B A L U N T E
Oleh : Darwin Nasution
Najolo, tarhum kalas sada dope iba SD, adong ma daboi ningot sigodangkon ngun iba marbal unte di alaman bolak ni Siluak i.
Untena on unte godang, tubu di pakarangan ni alak bang Bono i topi bondari. On ma sumber ni bal nai, unte na tobang na madung marnyekut lapisan busa nai, jadi inda mancit pala i sipak. I toru ni unte on, tamba ni carito na adong dei batang karambir pangombing ni dingding ni bondari, pamasuan lau partuaekan ni daganak mangatur.
Bagas maso i ngape padat songon sannari. Ngun lombang on bagas ni bg Bono mantong, ngun adun bariba dolok nai ima bagas ni alak si Colih. Kiri kanan nai adong bagas ni alak bg Asran dot bagas ni alak si Barahim. Jadi tonga naon kosong dei, ima alaman bolak parbalan i, marbal unte. Di pudi ni ari manjadi marbal karah ato marbal palastik lek disi juo. Dung palastik dot ma iba i. Uingot dopei kostum biru zebra au puna nomor 5.
Na tagian na marbal i, sanara, manombo duri ni tarup ijuk bagen doma marsarang i pat niba.
Di ginjang nangkin hudok adong pamasuan i toru batang ni unte i. Olo na seringan isi hatir daganak mangatur palua hajat.
Jadi, ngana adong sajontong aek ni bondari. Manombo na ra dei horing arani tolbak ato ihoring sangajo pala pature bondar.
Di na songonian, adong mei daganak na tarsosak manombo dompak koring bondar. Dung sampe danak on ti topi bondar on, tarsonggot ia ngadong aek. Maila ia paluasa di nahoring-koring i, tai nga tartahan be. Nga pe singgang ia madung sar- sar. Lalu ma si ucok, si dalian marbalunte sude pat nai ngen ginjang tu toru an. Marbalunte doma anggo na onan. Maknana na asing...
Bogor 28/10/20
0 komentar:
Posting Komentar