Oleh : Darwin Nasution
Anggo parlopo na I Simpang Patialo (SIMPATI) an antong madung pohom mei isia ngun si Harmoko sangan aha nai maksud ijuk saboban na menek, tanaon dua punjut dot aldunganna. Mandok aha ni alaklai dei ecekna. Ro mada iseng ni si Harmoko tu daganak na menek ima si Kari satontang on. I suruon ia ma si Kari boti : "Tolong jolo alap ijukku saboban na menek, tanaon dua punjut dot aldunganna tu parlopo nai Simpatian tie. U upai pe ho 2000", ninna ma tu danak on. "Olo tuak", ning danakon mantong lomom. Marangkat ma ia ngun lopo nai jae on, pas muse dompak isi dontong nampuna lopo Simpati i. "Abang, kon jolo ning tuak Harmoko ijuk nia saboban na menek, tanaon duam punjut dot aldunganna". Mopeng nampuna lopo, ma sambang niroana, ma hona karejo naoto danak. "Mang i paoto-oto ni Harmoko mo ho i pokak, boto ho dei sanga aha nai maksud nia i", ning parlopo i tu si Kari. "Inda Abang", ning si Kari lanom botul-botul naso mamboto. "O on dei bo naidok ni Harmoko i [ibuka na abit karung nai lau i pajelasna sanga aha na bungkus di saraor dalam i, ima ijuk saboban, tanaon dot aldungan]...ma mangarti ho. Ioban ko do songoni?", ning parlopo i tu si Kari. "Inda jau ba abang', mabiar dau i mangidasa pe. Marlojong danaki mandipur tu na manyuru on i. Na lau idasa dope mulak si Kari madung mikim-mikim sajo. "Aso nga ioban ko, na landang do ho uida", ning Harmoko. "Anjing do tuak, barang nia do get ipaobankon ia jau. Mabiar au tuak, marlojong au, nagodangan aldungan nai.", ning Kari i. "Upa mon?", ning na manyuruon on. "Nga jau upa, te do tuak", ning danak i laos ke ia mulak marmayam dot dongan nia.
0 komentar:
Posting Komentar