GARA DATA NAI*

 

GARA DATA NAI

oleh : Darwin Nasution

Na gidik ma ruangku tu umak2 arirayoi di motor ALS i da, taringot tu hape jaman sannarionan mon, kan tarida dentong na online dongan ato koum niba di baribaan, sahinggo bisa i chat ato i bel alias itelepon. Jadi via WA manelpon inanta on, inda mangangkat ato manjawab ngun adun.

Mungkin anta na sibuk atope nga donok hape nai, ato nga tarbege suaro ni hape di na manarimo.

Biama rua ni dongan hobar ni inanta on naso marbalos i telepon nia on, "Aso do ruai nga iangkat abang i, na GARA do uida data nia?"

Nahit madai tie ni roangku doma ibagasan lao mikim-mikim suping au. Songon soban i tataring rondo tie umak, sobanna ulit manis nahiang, gor-gor doma data nai.

Padahal benna saro kampung dei, maksud ni inanta on, na ONLINE do abang nia i inda iangkatna.

Antak na mosok do hape ni abang tai inang ben gara na data nai. Ima so so nga iabin ia, mabiar ia muntung tangan dot suping nia. Ha ha ha GARA, GOR-GOR, pot na MARGURA-GURA museng do jabat...

Bogor 31/07/21

*telah tayang di FB 31/07/2021