CR, AHER DOT KOLAHER
Oleh : Darwin Nasution
Anggo satontang si CR nga parjamitaan be ruangku kahanggi, anak boru, mora dot hatobangon nadong di banua on. Apalagi ganop jolma na android do itangan, i googling ia clue CR non na marjuta domei berita satontang bayo on, bayo na mgun Potugis on, songon pandokon ni ompuntai Ja Botung.
Aha ma na spesial na lokkot di si CR, ima satontang managemen industri marbal. Nai jago dei olah fisikna, panganonna, songoni juo rekreasina. Mai skemahon mei sude pake pemikiran dot otak ni managemen, ima so lek cecer ia marbal bope madung 39 umurna. Nai balut ni rekor dope ia sampe sannari dompak main di Piala Eropa 2020 on. Na get main muse dope anganna di Piala Eropa 2024.
Jadi i satontang managemen na pake otak. Caer dot markelas nida. Pala nga otak ro mei tenaga sajo. Makuat fisik sado ia. Adong dei najolo koumta alak Sibinail na santing gogo ni pamatang na. Godang2 ayu get gargajion i ioban ia ngun harangan an. Aher do uingot gorarna na karejo di panggargajian ni alak Si Jemang i, di bariba ujung beton Siluak. Iobansa ngun harangan, igaragaji ben papan, hupang atope reng, ngana mingis i amanta Aher dot donganna sada mangkarejohonna. Na gogo i Aher i.
Pala nga manggunahon otak, inda muse tenaga, hum kecek maia, ima selancar angin ato selancar aer ninna i huta goarna. Manombo idok si leder. Balakangan ubege idok ja kolaher. Na lancaran, doher son parlojong ni CB doma hum kecek sajo, inda pake otak inda juo pake gogo. Hum modal kecek mia on, palancar-lancar kon songon kolaher ni honda tu jae dot tu julu, tapi na tandap doba naso marisi uto-uto nai.
Jadi ima model ni jolma i, adong otak, adong tenaga sajo, adong muse hum kecek maia.
Bogor 25/06/21
*telah tayang di FB 25/06/2021
0 komentar:
Posting Komentar