Oleh : Darwin Nasution
Dari Muhammad bin Abdullah bin Jahsy ia berkata: “suatu saat Nabi
duduk sedangkan jenazah ditaruh (di liang lahat). Maka beliau memandang ke langit lalu menurunkannya dan terus meletakkan tangan ke kening beliau sambil berkata: “Subhaanalllaah, subhaanallaah.Attasydid telah diturunkan”. Muhammad berkata: Kami tahu lalu diam hingga datang hari besoknya saya tanyakan kepada beliau: “Apa tasydid yang telah diturunkan, ya Rasul?” Beliau menjawab: “Mengenai hutang. Demi Dzat yang menguasai diriku jika seseorang terbunuh fi sabilillah (mati syahid) lalu hidup kemudian terbunuh lalu hidup kemudian terbunuh lagi sedangkan dia memiliki tanggungan hutang maka tidak bisa masuk surga hingga terselesaikan hutangnya”.
Lek bahasa polisi ma soni anggo hadits nai tele, ampot um momo di nadeba mamahamina. Tarsonggot do au pribadi mangaligi isi nai. Na paling ponting antong ima karas ni hukuman tu alak na marutang on. Sampe na madung mate syahid sajo pe na tertunda dope masuk tu sarugo sampe ilunasan utang nai. Utang nai dhot sandirina ilunaskon oleh ahli waris nai ngun harto naitinggalkon nia. Ima ni roa pala khutbah pabuat mayat so isapaan sajo pala adong sala so imohopkon, utang na bisa dimohopkon ipangido izinkoan saat i juo, pala inda tarizinkon baen godangna silahkan marhubungan dot ahli waris ninna dei hubege.
Di ita on Mandailing, songon nadong kuida tarlayas di utang on, tarutamo utang i lopo parminuman nia. Pupu tuliskon tu buku i, mambayar ngun poken-tu poken inda unjung lunas dapot mardapot. Ampot benna so pohom do masalah utang on, ato pohom do tai ro songon alak na dzolim inda dong biarna. Angkon mabiar do dongan-dongan, angke songon hadits nai ginjang nangkinani, na mate syahid sajo pe nga masuk sarugo jolo targan so lunas utang nai. Tarantara ato tarkatung-karung ruh nai ning alak kita na mamboto hubege manombo.
Na boratna pala parutangan nai madung mate, ato songon i itaan parlopo nai madung jumolo, jadi masalah mon sanga sonjia pambayaran nai, harana nga dapot be ridho ni akad pembayaran nai umpamo sakiro ibayar pe, harana tu ahli waris doma nangkanna. Jadi nga dong on ibicara on kalak na maninggal sanga adong piutangna. Padohal on pe ponting, so insyaallah salamat na marutang tu mayit on. Ulang adong sada kasimpulan lunas utang ben madung mate alak parutangan on. Justru makin sulit dei, son naudok nangkinani nga dapot ridho lunas nai ngun alaknai langsung. Harapan paling sarupo mei umpamana pala madung ibayar tu waris langsung, samisal anak kandung nai.
Taringot dabo penulis tu ompung, tulang, lae bope anggi niba na parlopo di kampung. Maninggal ompung ngun umak dua-dua na, maninggal tulang dot nantulang, anggo carito nalai sapanjang dompak mangolu, na marlampis dope utang lopo ni alak ji alai on. Nga hum sada buku, adong do sampe dua tolu. Jadi imada so adong murdung kuida sotik adong songon na layas tu utang. Sampe mantak kalai marlopo na ingkani lek naso sasa dope utang ni alak i. Adong na mangalapur sada dua, bahatan na sip so dei i pajiar na marutang on. Mudahan-mudahan nian madung i izinkon kalai ompung atope tulang on targan so maninggal i. Go inda, sakali nai ita tegaskon, jadi masalah ji alak na marutang sampe tu akhirat.
Tarsongoni mantong i lopo, na bisa mengendalion diri nia nga marutang ia, pala paksa pe i usaho on ia do so copat tarbayar ia, ben biarna marutang mate. Naso mabiar i hantam ia torus, nga tanggung muse honok-honok na i sadun mandandan kecek. Pupu pangan sanga aha, pupu tambu aek sampe lan doma sorbuk kopi nai. Dung loja, get mulak ma tu bagas dung ietong naipangan dot nai inum, kaluar ma hata nia,...uda, patop majolo da dot dongan nai...maksudna utang nia madung marbaris-baris di buku i.
I uba mei ruangku muloi sannari dongan na dua tolu, anggo nga por roanta jadi mahluk dot ruh na tarkatung-katung songoni nga binoto sanga tujia maluana targan so salose utang nai. Saimada ikhtibar mon jita, pot nga salose juo tu narako juo do magulangna, sanga iurakan ngun kebaikan niba.
Wallohu 'alam
telah tayang di FB Jan 14
0 komentar:
Posting Komentar